Titig
by Gracia Perdiguerra
2/19/05
Nakita ko ang sulyap
ang tingin
tingi – tinging lihim
kapagka tatalikod
upang di ko mapansin
mangingiti
batid ko rin, di nga ba't-
minsa'y tinapatan ko rin
ng ngiti ang umis
napansin mo bang di ko nilubayan
ang mga patago at kutiltil na
pagpapahayag
kung saan natunaw mo
ang aking kaloob-looban
mainit na hinagod
ang puso, nanghina
at unti-unting nagparaya-
ayokong lingunin ka
ayokong makita
ayokong makulong
ang aking kaluluwa
sa iyong mga mata
at igupo ako sa pangamba.
Baka.
Baka nga.
Ako'y napaibig na.
-=0=-
Submitted to Pinoy Poets by Gracis Perdiguerra.
--andoy
2 March 2005
No comments:
Post a Comment